වර්තමානය වන විට ශ්‍රී ලාංකිකයින් කොරියානු භාෂා අධ්‍යයන ක්ෂේත්‍රය තුළ අංශ කිහිපයකටම අදාලව ඉගෙනුම් ඉගැන්වීම් කටයුතු සිදුකරමින් සිටී. පාසල් විෂය නිර්දේශ තුළ අ.පො.ස. (සා.පෙළ) සහ අ.පො.ස (උ.පෙළ) දක්වාද ඉන් නොනැවතී විශ්ව විද්‍යාල අධ්‍යාපනය දක්වාම එය ව්‍යාප්තව පවතී.

මීට අමතරව දශක කිහිපයක පටන් ශ්‍රී ලාංකික තරුණ ප්‍රජාව තුළ රැකියා බලපත්‍ර ක්‍රමය හරහා ක්‍රියාත්මක කොරියානු භාෂා ප්‍රවීණතා පරීක්ෂණය (EPS -TOPIK) මඟින් කොරියානු රාජ්‍යයේ ඉහල වැටුප් තල සහ වරප්‍රසාද සහිත විදේශ රැකියා වෙළඳපොල සඳහාද ඇත්තේ ඉහල ඉල්ලුමකි.

එමෙන්ම මෙරට ආර්ථිකයේ දැවැන්තම අංශයක් වන සංචාරක කර්මාන්තය සහ වෙනත් විවිධ රැකියා සඳහා ද අත්‍යවශ්‍ය ම අංගයක් ලෙස කොරියානු භාෂා ඉගෙනුම් ක්‍රියාවලිය සුළුපටු නොවන දායකත්වයක් ලබාදෙයි.

තවද අන්තර්ජාතික සංස්කෘතික හුවමාරුව වෙනුවෙන් ජනප්‍රිය සංස්කෘතික අංගයක් ලෙස විනෝදාශ්වාදන කර්මාන්තය වෙත ආකර්ශණය වන්නන් සහ කොරියානු විශ්ව විද්‍යාල අධ්‍යාපනය කෙරෙහි යොමුවන්නන් තුළ ද කොරියානු භාෂා අධ්‍යයනය පිළිබඳ ඇත්තේ මහත් උනන්දුවකි.

තේහන් සරසවි අප, මෙකී සියලු ක්ෂේත්‍ර සඳහා ඔබට අවශ්‍ය භාෂා ඥානය සරල නමුත් නූතන තාක්ෂණික ක්‍රමෝපායන් මඟින් ඔබවෙත නිවැරදිව ලබාදීම සඳහා වගකීමෙන් බැඳී සිටින්නෙමු.

ස්තුතියි!

Lakshman Siriwardhana
BA (Hons) MACO
Diploma in Korean
(University of Kelaniya)